NGETUNG WENGI
(Dening : Danang Te Arifal)
Ngetung wengi
siji mbaka siji
kaya wingi
gurit mung ukara-ukara sepi
nalika rembulan kentekan getih
ancik-ancik pucuking godhong garing
Gusti ?
Ah, wit wingi aku ra krungu kabare
(apa aku sing ora kepengin sapa aruh)
Saiki lagi krasa
pancen nglangut yen ra ana cahya-Ne
(Kudus, Januari 2008)
Geguritan: Yen Banyu Wis Padha Tumiba
Label: Fiksi
Geguritan ini pernah dimuat di Majalah Panjebar Semangat No 23, 7 Juni 2008
YEN BANYU WIS PADHA TUMIBA
Dening : Danang Te Arifal
Yen banyu wis padha tumiba
baris jentrek-jentrek ing dalan-dalan
nelesi godhong-godhong
Kowe aja takon
Saiki banyu ora mung tiba
Nanging jentrek-jentrek dadi bregada
ngebaki kali
keli
Kowe aja takon
Sing keli ora mung godhong
kaya biyen ing sendhang
godhong garing keli
nggawa crita :
gojegane iwak wader
Saiki sing keli banyu bregada
saba ing omah-omah
ngelebi sawah
pari wurung dadi gabah
Rungakna,
banyune nggawa warta :
graji-graji ngombe lenga
nggragas mangan alas
(Kudus, Februari 2008)
YEN BANYU WIS PADHA TUMIBA
Dening : Danang Te Arifal
Yen banyu wis padha tumiba
baris jentrek-jentrek ing dalan-dalan
nelesi godhong-godhong
Kowe aja takon
Saiki banyu ora mung tiba
Nanging jentrek-jentrek dadi bregada
ngebaki kali
keli
Kowe aja takon
Sing keli ora mung godhong
kaya biyen ing sendhang
godhong garing keli
nggawa crita :
gojegane iwak wader
Saiki sing keli banyu bregada
saba ing omah-omah
ngelebi sawah
pari wurung dadi gabah
Rungakna,
banyune nggawa warta :
graji-graji ngombe lenga
nggragas mangan alas
(Kudus, Februari 2008)
Langganan:
Postingan (Atom)
